სიახლეები

„ავდიივკაში დაჭრილებსაც გზავნიან შეტევაზე“ – რუსი ჯარისკაცების ახლობლები პუტინს მიმართავენ

06.12.2023 • 931
„ავდიივკაში დაჭრილებსაც გზავნიან შეტევაზე“ – რუსი ჯარისკაცების ახლობლები პუტინს მიმართავენ

რუსეთში მობილიზებული ჯარისკაცების ახლობლები ვლადიმერ პუტინს წერილით მიმართავენ და ჩივიან, რომ ავდიივკაში ახალ წლამდე ან პუტინის ყოველწლიურ პრესკონფერენციამდე შედეგის მისაღწევად ბრძოლაში მონაწილეობას დაჭრილ ჯარისკაცებსაც კი აიძულებენ.

ეს განცხადება № 95411 საჯარისო ნაწილის ჯარისკაცების ახლობლებს ეკუთვნით. ისინი საუბრობენ „[ჯარისკაცთა] განზრახ გაჟლეტის ნიშნებზე“ და პუტინს მოუწოდებენ, ვითარებაში გამოერკვეს – წერს „დოიჩე ველე“.

პუტინისთვის გაგზავნილ წერილს ასზე მეტი ხელმომწერი ჰყავს. ხელმომწერები აღნიშნავენ, რომ მობილიზებულები უკვე ათ თვეზე მეტია ფრონტის წინა ხაზზე არიან და მუდმივად დაბომბვის პირობებში ცხოვრობენ. მათი თქმით, ხელმძღვანელთა ბრძანებით, საშუალო სიმძიმით დაჭრილ რუს ჯარისკაცებსაც კი მოიერიშე რაზმებში გზავნიან.

„ჩქარობენ [ავდიივკის აღებას], ვლადიმერ პუტინის ყოველწლიური პრესკონფერენციისთვის ან ახალი წლისთვის. რამე შედეგია საჭიროა. ყველა ამბობს, ავიღებთ ავდიივკას და მერე მოლაპარაკებები იქნებაო. ქმარი მეუბნება, რომ იქ გვამებზე დადიან, სულ გვამებითაა იქაურობა სავსე“, – ციტირებს გამოცემა ერთ-ერთი სამხედროს მეუღლეს.

ავდიივკა აღმოსავლეთ, დონბასის ფრონტზე, ერთ-ერთი მნიშვნელოვანია პუნქტია. მას ამჟამად უკრაინა იკავებს, თუმცა რუსეთი აქტიურად ცდილობს ამ ქალაქზე კონტროლის დამყარებას.

ამასთან ერთად, ეს მობილიზებულთა უკმაყოფილო ნათესავების პუტინისდამი პირველი მიმართვა არაა.

 

გადაბეჭდვის წესი


ასევე: