მთავარი,სიახლეები

გუშინ ბათუმში 50 წლამდე კაცი დაჭრეს

27.11.2023 • 1378
გუშინ ბათუმში 50 წლამდე კაცი დაჭრეს

გუშინ, 26 ნოემბერს, ბათუმის ცენტრალურ ქუჩაზე 50 წლამდე კაცი დაჭრეს.

თვითმხილველის თქმით, რომელიც წითელი ჯვრის თანამშრომელია და დაჭრილს პირველადი სამედიცინო დახმარება აღმოუჩინა, შემთხვევა საღამოს მოხდა.

„მემედ აბაშიძის ქუჩის დასაწყისში ვიყავი, როდესაც დაახლოებით 50 წლამდე კაცის ყვირილის ხმა შემოგვესმა.

შენობის შიდა ეზოში შემოვარდა და ამბობდა, რომ ვიღაც მოსდევდა მოსაკლავად. მერე გვითხრა, რომ მისი მეგობარი იყო დაჭრილი და დაახლოებით ას მეტრში ვიპოვეთ ის კაციც. სავარაუდოდ, ცივი იარაღი ჰქონდა ფეხში ჩარტყმული და ძლიერი სისხლდენა ჰქონდა.

პირველადი დახმარება აღმოვუჩინეთ და შემდეგ გამოვიძახეთ სასწრაფო დახმარება“, – ამბობს თვითმხილველი.

შსს-ს ინფორმაციით, გამოძიება დაწყებულია სსკ-ის 118-ე მუხლით, რაც გულისხმობს ჯანმრთელობის განზრახ ნაკლებად მძიმე დაზიანებას.

შს სამინისტროში არ გვიპასუხეს კითხვაზე, ამ ფაქტთან დაკავშირებით არის თუ არა ვინმე დაკავებული.

გადაბეჭდვის წესი


ასევე: