მთავარი,სიახლეები

რუსეთი უკრაინული დრონების მასობრივ შეტევაზე აცხადებს

26.11.2023 • 883
რუსეთი უკრაინული დრონების მასობრივ შეტევაზე აცხადებს

რუსული მედია, ოფიციალურ წყაროებზე დაყრდნობით წერს, რომ 26 ნოემბრის ღამეს რუსეთში დრონებით მასობრივი თავდასხმის მცდელობა იყო.

მოსკოვის მერის, სერგეი სობიანინის განცხადებით, მოსკოვის ოლქის სხვადასხვა რაიონში რუსეთის საჰაერო თავდაცვამ რამდენიმე დრონი ჩამოაგდო. დროებით შეჩერდა ავიარეისები ვნუკოვოსა და დომოდედოვოს აეროპორტებში.

ბოლო ცნობებით, საუბარია 24 დრონის შეტევაზე რუსეთის 5 რეგიონზე.

რუსეთის თავდაცვის სამინისტროს ცნობით, თითქმის ყველა დრონი საჰაერო თავდაცვამ ჩამოაგდო,  ერთი დრონი კი ტულაში საცხოვრებელ სახლს დაეცა, დაშავდა ერთი ადამიანი.

26 ნოემბრის ღამეს დრონებით შეტევა განხორციელდა უკრაინაზეც, მათ შორის კიევზეც. გენშტაბის ცნობით, უკრაინის თავდაცვამ 8 „შაჰედიდან“ 7 გაანადგურა. მსხვერპლის შესახებ ინფორმაცია არ ვრცელდება.

___________

ფოტოზე: უკრაინული დრონი

გადაბეჭდვის წესი


ასევე: