გარემოს ეროვნული სააგენტოს ცნობით, ხვალ, 23 ნოემბერს, დღის მეორე ნახევრიდან გვიან საღამომდე დასავლეთ საქართველოში ისევ გაავდრდება.
დასავლეთ საქართველოში მოსალოდნელია წვიმა, მაღალმთიან რეგიონებში – თოვლი, ზოგან ძლიერი, შესაძლებელია ზვავსაშიშროება.
სააგენტოს ცნობით, მოსალოდნელმა ნალექმა დასავლეთ საქართველოს მდინარეებზე შესაძლებელია წყლის დონის მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
საქართველოს მთიან და მაღალმთიან რეგიონებში მოსალოდნელი დიდთოვლობის, ზვავსაშიშროებისა და ხილვადობის გაუარესების გამო, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა – წერს გარემოს ეროვნული სააგენტო.
