უკრაინის საზღვაო ქვეითები გამაგრდნენ სამხრეთ ფრონტზე, ხერსონის მიმართულებით, მდინარე დნეპრის მარცხენა სანაპიროზე მდებარე რამდენიმე პლაცდარმზე – წერს უკრაინული გამოცემა „უკრაინსკა პრავდა“ დღეს, 17 ნოემბერს.
„უკრაინის თავდაცვის ძალებმა ხერსონის მიმართულებაზე ჩაატარეს წარმატებული ოპერაციების სერია. უკრაინელი საზღვაო ქვეითების სიმამაცისა და პროფესიონალიზმის წყალობით, თავდაცვის ძალების სხვა დანაყოფებთან თანამშრომლობასთან ერთად, მოხერხდა რამდენიმე პლაცდარმზე გამაგრება“, – აცხადებენ უკრაინის საზღვაო ძალებში.
უწყების ცნობითვე, რუსულმა ძალებმა ამავე ოპერაციების დროს სერიოზული დანაკარგები განიცადეს – 1216 მოკლული და 2217 დაჭრილი, 24 ტანკი და სხვა ტექნიკა, მათ შორის 135 ავტომობილი, 48 ჯავშანმანქანა და ტყვია-წამლის 29 საწყობი.
