სიახლეები

მშენებლობაზე დაშავებული მუშების მდგომარეობა მძიმეა

04.07.2016 • 1494
მშენებლობაზე დაშავებული მუშების მდგომარეობა მძიმეა

ბათუმში, ტბელ აბუსერიძისა და ჯავახიშვილის ქუჩების კვეთაში მიმდინარე მშენებლობის დროს დაშავებული ორი მუშის ჯანმრთელობის მდგომარეობა მძიმეა. სპეციალური მკურნალობა ერთ მათგანს ბათუმის რესპუბლიკურ საავადმყოფოში, ხოლო მეორეს რეფერალურ საავადმყოფოში უტარდება.

ისინი საავადმყოფოში სხვადასხვა დაზიანებებით – მრავლობითი მოტეხილობებითა და შინაგანი ორგანოების დაზიანებებით მოათავსეს. როგორც საავადმყოფოებში „ბათუმელებს“ განუცხადეს, ორივე პაციენტი უგონო მდგომარეობაშია და აპარატზეა მიერთებული.

2 ივნისს, საღამოს, ჯავახიშვილისა და აბუსერიძის ქუჩების კვეთაში მდებარე მშენებლობაზე სამი მუშა დაშავდა. თვითმხილველის თქმით მუშები მეორე სართულზე ქარგილის, ე.წ. “აპალოვკის” დასხმის დროს დაშავდნენ. ამ ადგილას დეველოპერული კომპანია “დს გრუპი” მრავალსართულიან, მრავალფუნქციურ კორპუსს აშენებს. სამშენებლო სამუშაოებს კომპანია “ლამინი G” ასრულებს.

გადაბეჭდვის წესი


ასევე: