დასავლეთ უკრაინაში, ზაკარპატიის ოლქში სამდღიანი გლოვა გამოცხადდა 128-ე ბრიგადის ჯარისკაცების მასობრივი დაღუპვის გამო. რუსეთმა, სავარაუდოდ, საზეიმო დაჯილდოების ცერემონია დაბომბა.
მედიის ცნობით, ტრაგედია 3 ნოემბერს, დილის 10-11 საათზე მოხდა. რუსეთმა „ისკანდერის“ რაკეტა დაარტყა იმ ადგილს, სადაც სამხედროები იყვნენ შეკრებული დასაჯილდოებლად. უკრაინული მედიის ცნობით, დაიღუპა 20-ზე მეტი სამხედრო, არიან დაჭრილები.
ინფორმაცია 128-ე ბრიგადის ჯარისკაცების დაღუპვის შესახებ ოფიციალურად დაადასტურა უკრაინის შეიარაღებული ძალების სტრატეგიული კომუნიკაციების ცენტრმა. „სტრატკომი“ არ ავრცელებს ინფორმაციას, თუ რა ვითარებაში მოხდა ეს და აცხადებს, რომ გამოძიება ჯერ კიდევ მიმდინარეობს.
უკრიანის თავდაცვის მინისტრმა რუსტემ უმეროვმა პირობა დადო, რომ მომხდარის ყველა გარემოება დაზუსტდება.
განახლებული ინფორმაცია: 128-ე ცალკეული სამთო თავდასხმის ბრიგადამ განაცხადა, რომ 19 ჯარისკაცი დაიღუპა რუსული ჯარების სარაკეტო თავდასხმის შედეგად.
