უკრაინის შეიარაღებული ძალების ცნობით, 17 ოქტომბერს, ღამით, უკრაინის არმიამ შეტევა განახორციელა რუსეთის სამხედრო აეროდრომებზე ოკუპირებულ ბერდიანსკსა და ლუგანსკთან.
შეიარაღებული ძალების მოკლე განცხადებაში ნათქვამია, რომ დარტყმები წარმატებული იყო.
მედიის ცნობით, 17 ოქტომბრის ღამეს პრორუსულ არხებზე ტელეგრამში გამოჩნდა ბერდიანსკში მომხდარი აფეთქებების ვიდეო.
მოგვიანებით უკრაინის გენერალურმა შტაბმა განმარტა, რომ სარაკეტო ძალებმა მოწინააღმდეგის 2 ვერტმფრენი დააზიანეს და დაარტყეს საბრძოლო და საარტილერიო მასალის საცავს.