უკრაინული მედიის ცნობით, უკრაინის საზღვაო ძალებმა და მთავარმა სადაზვერვო სამმართველომ ჩაატარეს წარმატებული სპეცოპერაცია, რომლის შედეგადაც ორი უკრაინელი მედესანტე სახლში დაბრუნდა.
მედესანტეები რუსული არმიის წინააღმდეგ იბრძოდნენ, როცა მძიმედ დაიჭრნენ და იძულებულნი გახდნენ, წელიწად-ნახევარზე მეტის ხნის განმავლობაში რუსეთის მიერ ოკუპირებულ ტერიტორიაზე დამალულიყვნენ.
დაჭრილ მედესანტეებს ადგილობრივი მოსახლეობა დაეხმარა ოკუპანტებისგან დამალვაში, წელიწად-ნახევრის შემდეგ კი ჩატარდა სპეცოპერაცია მათი ევაკუაციის მიზნით.
სპეცოპერაცია მოამზადა და განახორციელა უკრაინის საზღვაო ქვედანაყოფმა, სახელად -“ანგელოზები”.
