უკრაინის პრეზიდენტმა ვოლოდიმირ ზელენსკიმ აშშ-ში, ნიუ იორკში გამართულ გაეროს გენერალურ ანსამბლეაზე განაცხადა, რომ მისთვის ცნობილია, რუსეთთან „კულისებში ჩრდილოვანი გარიგებების“ დადების მცდელობების შესახებ.
„ბოროტების ნდობა არ შეიძლება. ჰკითხეთ პრიგოჟინს, შეიძლება თუ არა ენდოთ პუტინის დაპირებებს“ – განაცხადა ზელენსკიმ.
მან თქვა, რომ უკრაინა ყველაფერს აკეთებს იმისათვის, რომ რუსეთის აგრესიის შემდეგ მსოფლიოში არავინ გადაწყვიტოს შეტევა რომელიმე ქვეყანაზე.
დაჯგუფება „ვაგნერის“ ხელმძღვანელი, ევგენი პრიგოჟინი, რომელსაც „პუტინის მზარეულს“ უწოდებდნენ, რუსეთის პრეზიდენტთან დაახლოებული პირი იყო. „ვაგნერმა“ ფაქტობრივად გადამწყვეტი როლი ითამაშა უკრაინაში ქალაქ ბახმუტის აღებაში. ქალაქის აღების შემდეგ, პრიგოჟინმა, რუსეთის სამხედრო სარდლობასთან უთანხმოების ფონზე, აჯანყების შესახებ განაცხადა. წარუმატებელი აჯანყებიდან ზუსტად ორი თვის შემდეგ, რუსეთმა განაცხადა, რომ პრიგოჟინი ავიაკატასტროფაში დაიღუპა.
მანამდე უკრაინის დაზვერვის ხელმძღვანელი ბუდანოვი ამბობდა, რომ რუსულ ფსბ-ს პრიგოჟინის მოკვლის ბრძანება ჰქონდა.
_____________
ფოტოზე: ზელენსკი ნიუ იორკში, გაეროს გენერალურ ანსამბლეაზე. ფოტო: EPA-EFE/JUSTIN LANE
