უკრაინის თავდაცვის ძალებმა მიაღწიეს გარკვეულ წარმატებებს დონეცკის ოლქში, კლიშჩეევკას რაიონსა და ზაპოროჟიეს ოლქში – რობოტინოს რაიონში. რუსული ჯარების შეტევები დონეცკის ოლქში, ნოვომიხაილოვკას რაიონში და ნოვოდარივკას სამხრეთით, ზაპოროჟიეს რეგიონში ოკუპანტებისთვის მნიშვნელოვანი დანაკარგით დასრულდა.
„უკრაინის თავდაცვის ძალები აგრძელებენ თავდაცვას უკრაინის აღმოსავლეთით და სამხრეთით, შეტევით ოპერაციებს მელიტოპოლისა და ბახმუტის მიმართულებით, ანადგურებენ მტერს, ეტაპობრივად ათავისუფლებენ დროებით ოკუპირებულ ტერიტორიებს და მაგრდებიან მიღწეულ ხაზებზე“, – იუწყება უკრაინის გენშტაბი დღეს, 13 სექტემბერს.
გენშტაბის ცნობით, ბოლო 24 საათის განმავლობაში უკრიანაში 34 სამხედრო შეტაკება მოხდა. რუსეთმა განახორციელა 7 – სარაკეტო, 35 – საჰაერო და 56-ზე მეტი დარტყმა მრავალჯერადი სარაკეტო სისტემებიდან.
უკრაინის გენშტაბის ცნობით, ავდეევკასა და მარინკას მახლობლად ბოლო 24 საათის განმავლობაში რუსეთის ჯარებმა 20-ზე მეტჯერ სცადეს გაედევნათ უკრაინული ქვედანაყოფები პოზიციებიდან, თუმცა უშედეგოდ.
მელიტოპოლის მიმართულებით უკრაინის თავდაცვის ძალები აგრძელებენ შეტევით ოპერაციას, რის შედეგადაც საოკუპაციო ძალებს მნიშვნელოვანი ზარალი მიაყენეს და „აიძულეს მტერს უკან დაეხია პოზიციებიდან“, – იუწყება გენერალური შტაბი.
ასევე, გენერალური შტაბის ცნობით, ბოლო 24 საათის განმავლობაში უკრაინის თავდაცვის ძალების ავიაციამ 9 დარტყმა განახორციელა იმ ადგილებში, სადაც კონცენტრირებულია რუსეთის არმიის პირადი შემადგენლობა, იარაღი და სამხედრო ტექნიკა.
