გამოცდების ეროვნულმა ცენტრმა 2023 წლის ეროვნული გამოცდების სტატისტიკური ანალიზი გამოაქვეყნა.
ანალიზის მიხედვით, ქართულ ენასა და ლიტერატურაში მაქსიმალური – 60 ქულა 74-მა, 48 ქულა კი მხოლოდ ერთმა აბიტურიენტმა მიიღო.
39 074 აბიტურიენტიდან მინიმალური კომპეტენციის ზღვარი ვერ გადალახა 3.44 %-მა, ანუ 1344 აბიტურიენტმა.
ცენტრის განმარტებით, მინიმალური კომპეტენციის ზღვარი გადალახულად მიიჩნევა, თუ აბიტურიენტის გათანაბრებული ქულა მეტია 15 -ზე.
ინგლისურ ენაში მაქსიმალური – 70 ქულა მიიღო 648 აბიტურიენტმა, 65 ქულა კი – მხოლოდ ერთმა.
მინიმალური კომპეტენციის ზღვარი ვერ გადალახა 3.57 % -მა.
მათემატიკის გამოცდას წელს 14 924 აბიტურიენტი აბარებდა. მათგან მაქსიმალური – 51 ქულა მიიღო 43-მა აბიტურიენტმა, 45 ქულა კი – მხოლოდ ერთმა.
მინიმალური ზღვარი ვერ გადალახა აბიტურიენტების 15.75 % -მა.
ისტორიას 20 708 აბიტურიენტი აბარებდა წელს, აქედან მაქსიმალური – 60 ქულა მიიღო 8 აბიტურიენტმა, 43 ქულა მიიღო ერთმა აბიტურიენტმა.
კომპეტენციის ზღვარი ვერ გადალახა 5.53 % -მა.
გეოგრაფიაში მხოლოდ ერთმა აბიტურიენტმა მიიღო მაქსიმალური – 58 ქულა. გამოცდას აბარებდა 1913 აბიტურიენტი.
მინიმალური ზღვარი ვერ გადალახა 8.42 % -მა.
ბიოლოგიაში ორმა აბიტურიენტმა მიიღო მხოლოდ მაქსიმალური – 69 ქულა, 3 439 აბიტურიენტიდან.
კომპეტენციის ზღვარი ვერ გადალახა 14.71 % -მა.
ქიმიაში მაქსიმალური – 63 ქულა მიიღო რვა აბიტურიენტმა. გამოცდას 2 540 აბიტურიენტი აბარებდა. კომპეტენციის ზღვარი ვერ გადალახა 19.53 % -მა.
ფიზიკაში მაქსიმალური – 62 ქულა მიიღო სამმა აბიტურიენტმა. გამოცდას 601 პირი აბარებდა.
კომპეტენციის ზღვარი ვერ გადალახა 30.95 % -მა.
მხოლოდ ლიტერატურას აბარებდა 1144 აბიტურიენტი. ერთმა მიიღო მაქსიმალური – 67 ქულა. კომპეტენციის ზღვარი ვერ გადალახა 6.82 % -მა.
ხელოვნება წელს ჩააბარა 269-მა აბიტურიენტმა, აქედან მაქსიმალური – 67 ქულა მიიღო ერთმა, კომპეტენციის ზღვარი ვერ გადალახა 7.43 % -მა.
სამოქალაქო განათლებას აბარებდა 1854 აბიტურიენტი, მაქსიმალური – 58 ქულა მიიღო მხოლოდ ოთხმა. კომპეტენციის ზღვარი ვერ გადალახა 11.33 % -მა.
___
შეფასებისა და გამოცდების ეროვნული ცენტრის ინფორმაციით, 2023 წლის ერთიან ეროვნულ გამოცდებზე 45 ათასი აბიტურიენტი დარეგისტრირდა. ცენტრის განცხადებით, ეს უპრეცედენტო რაოდენობაა.
„ეროვნულ გამოცდებზე რეკორდული რაოდენობა – 45 ათასი პირი დარეგისტრირდა“- naec
