უკრაინელმა სამხედროებმა წარმატებას მიაღწიეს ზაპორიჟიეს ოლქში, ნოვოდანილოვკა-ვერბოვეს მიმართულებით – ამის შესახებ დღეს, 29 აგვისტოს, უკრაინის გენერალური შტაბის განცხადებაშია აღნიშნული.
გენშტაბის განცხადებით, უკრაინელი დამცველები წარმატებულნი იყვნენ ნოვოდანილოვკა-ვერბოვოს მიმართულებით და მაგრდებიან დაკავებულ პოზიციებზე.
ასევე, თავდაცვის ძალები აგრძელებენ შეტევას ქალაქ ბახმუტის სამხრეთით და მაგრდებიან მიღწეულ ხაზებზე.
უკრაინის გენშტაბის ცნობით, რუსეთს წარუმატებელი შეტევა ჰქონდა ავდიივკასა და მარინკას რაიონებში, დონეცკის ოლქში.
ასევე, უკრაინის თავდაცვის ძალები აგრძელებენ რუსული ჯარების შეტევის შეკავებას კუპიანსკის, ლიმანისა და ბახმუტის მიმართულებით. „მძიმე ბრძოლები გრძელდება“- იუწყება უკრაინის გენშტაბი.