22 აგვისტოს, ღამით, რუსეთის დედაქალაქთან, მოსკოვთან ახლოს, რუსეთის საჰაერო თავდაცვამ ორი დრონი ჩამოაგდო.
ვიდეომასალა, რომელშიც აფეთქებების ხმა ისმის, სოციალურ ქსელებსა და ტელეგრამის არხებზე წუხელ გავრცელდა.
რუსული მედიის ცნობით, დრონები ჩამოაგდეს მოსკოვის ოლქის კრასნოგორსკისა და ჩასცოვის რაიონებში. კრასნოგორსკში დრონის ჩამოგდების შედეგად დაზიანდა მრავალსართულიანი კორპუსის ფასადი, სადაც მინები და ეზოში მდგარი ავტომანქანები ჩაიმსხვრა.
დრონების გამო დროებით დაიკეტა ვნუკოვოს, დომოდედოვოსა და შერემეტიევოს აეროპორტები. მოგვიანებით ფრენები განახლდა.
„ბიბისის“ ცნობით, ზედიზედ მეხუთე დღეა მოსკოვზე დრონებით თავდასხმის მცდელობაა, რაც იწვევს რუსეთის დედაქალაქში აეროპორტების დაკეტვას.
კრემლი, ტრადიციულად აცხადებს, რომ ეს კიევის თავდასხმის შედეგია, ოფიციალური კიევი ბრალდებას არ პასუხობს.
______________
ფოტო: ria.ru
