რუსეთის დედაქალაქზე, მოსკოვზე, მორიგი თავდასხმა განხორციელდა დრონით. 18 აგვისტოს, ღამით, მოსკოვის ბიზნეს ცენტრის მიმდებარე ტერიტორიაზე აფეთქების ხმა გაისმა, შენობა დაზიანდა.
რუსული ტელეგრამარხების ცნობით, აფეთქება მოსკოვის ბიზნეს ცენტრის კოშკებთან მოხდა.
მოსკოვის მერი, სობიანინი აცხადებს, რომ რუსეთის საჰაერო თავდაცვის ძალებმა ჩამოაგდეს დრონი და აფეთქება მისი ფრაგმენტების დაცემამ გამოიწვია.
ეს არ არის დრონით შეტევის პირველი შემთხვევა რუსეთის დედაქალაზე. მოსკოვზე დრონით თავდასხმა მოხდა 30 ივლისსა და 1-ელ აგვისტოს. ორივე შემთხვევაში თავდასხმის ეპიცენტრი იყო „მასკვა სიტი“.
რუსული ოფიციალური წყაროების ცნობით, აფეთქებას მსხვერპლი არ მოჰყოლია.
„ბიბისის“ რუსული რედაქცია წერს, რომ დრონის თავდასხმის გამო პირველად მოხდა, რომ მოსკოვის ოთხმა აეროპორტმა ერთდროულად შეაჩერა მუშაობა. აქამდე მუშაობას აჩერებდა მხოლოდ ორი აეროპორტი.
____________
ფოტო: baza/telegram
