უკრაინის შეიარაღებული ძალების გენერალური შტაბის ცნობით, უკრაინის ჯარებმა წარმატებას მიაღწიეს განთავისუფლებული ურაჟაინოეს სამხრეთით, დონეცკის ოლქში და მიღწეულ ხაზებზე მაგრდებიან.
ასევე, გენერალური შტაბი აღნიშნავს, რომ უკრაინის თავდაცვის ძალები აგრძელებენ შეტევით ოპერაციას ბახმუტის, მელიტოპოლისა და ბერდიანსკის მიმართულებით.
უკრაინული მხარის ცნობით, გასულ დღეებში რუსეთმა წარუმატებელი შეტევითი ოპერაციები ჩაატარა ავდიივკასა და მარინკას რაიონებში.
გენშტაბი აღნიშნავს, რომ ბახმუტის მიმართულებით თავდაცვის ძალები აგრძელებენ შეტევით ოპერაციებს ქალაქ ბახმუტის სამხრეთით და ფიქსირდებიან მიღწეულ ხაზებზე.
ასევე, უკრაინის თავდაცვის ძალები აგრძელებენ რუსული ჯარების შეკავებას კუპიანსკის, ლიმანსკისა და ბახმუტის მიმართულებების ჩრდილოეთ ფლანგზე. გენშტაბის ცნობით, მოწინააღმდეგემ წარუმატებელი შეტევითი მოქმედებები ჩაატარა სენკოვკა ხარკოვის რეგიონისა და ბოგდანივკაში – დონეცკის რეგიონში, სადაც სასტიკი ბრძოლა მიმდინარეობს.
