ომის კვლევის ამერიკული ინსტიტუტი ISW-ი წერს, რომ 13 აგვისტოს უკრაინულმა ძალებმა ჩაატარეს კონტრშეტევითი ოპერაციები ფრონტის სულ მცირე ორ სექტორზე და წინ წაიწიეს დონეცკის დასავლეთით – ზაპოროჟიესა და დასავლეთ ზაპორიჟიეს ოლქებში.
ISW-ი ღია წყაროებზე დაყრდნობით წერს, რომ უკრაინულმა ძალებმა შეტევითი ოპერაციები ჩაატარეს ბერდიანსკისა და მელიტოპოლის მიმართულებებზე და ნაწილობრივ წარმატებას მიაღწიეს რობოტინოს მახლობლად.
ანალიტიკოსები ხაზს უსვამენ, რუსულ წყაროებში ვრცელდება ურთიერთგამომრიცხავი ცნობები იმის შესახებ, რომ რუსულმა ძალებმა უკან დაიხიეს უროჟაინოდან. ამავე დროს ISW-ს არ დაუდასტურებია, რომ რუსული ძალები მთლიანად გაყვანილია ამ ტერიტორიიდან. ანალიტიკოსები მიიჩნევენ, რომ, სავარაუდოდ, რუსული ძალები ამჟამად ინარჩუნებენ პოზიციებს დასახლების მინიმუმ სამხრეთ ნაწილში.
ასევე, უკრაინულმა ძალებმა შეტევითი ოპერაციები ჩაატარეს კუპიანსკი-სვატოვოს ხაზის გასწვრივ, კრემინასთან, ბახმუტთან და გავრცელებული ინფორმაციით, რამდენიმე რაიონში დაწინაურდნენ.
ISW-ი ასევე წერს, რომ რუსულმა ძალებმა ჩაატარეს შეტევითი ოპერაციები კუპიანსკ-სვატოვის ხაზის გასწვრივ და ცდილობდნენ დაებრუნებინათ დაკარგული პოზიციები ბახმუტთან, დონეცკ-ზაპორიჟიას ოლქის სასაზღვრო რაიონში, დასავლეთ ზაპოროჟიის ოლქში და გავრცელებული ინფორმაციით, დაწინაურდნენ ზოგიერთ რაიონში.
_________________
ფოტო: უკრაინის გენშტაბი/facebook
