ქანდაკების – „სიყვარული მძიმეა“ დადგმა ბულვარის ადმინისტრაციამ თავდადებულის ქუჩის დასაწყისში გადაწყვიტა.
ესკიზის მიხედვით ქანდაკების დამზადება-მონტაჟის სახელმწიფო შესყიდვაზე ბულვარმა ტენდერი 24 ათას 540 ლარით გამოაცხადა.
ადგილი ბულვარში, სადაც ქანდაკება – „სიყვარული მძიმეა“ უნდა დაიდგას / ფოტო ტენდერიდან
ტენდერში წინადადებების მიღება 2023 წლის 20 აგვისტოს დაიწყება და 22 აგვისტოს დასრულდება.
ქანდაკების დამზადება-მონტაჟი, როგორც ტენდერის პირობაშია აღნიშნული, შესაბამისი ხელშეკრულების გაფორმებიდან, ეტაპობრივად, 60 დღის განმავლობაში უნდა დასრულდეს.
ქანდაკება „სიყვარული მძიმეა“ / რენდერები პროექტიდან
ბულვარის ადმინისტრაციას 2022 წელს ქანდაკების დამზადება-მონტაჟისთვის 25 ათასი ლარის ტენდერის გარეშე დახარჯვა ჰქონდა გადაწყვეტილი, თუმცა სახელმწიფო შესყიდვების სააგენტომ თანხმობა არ მისცა.
ქანდაკების დადგმა ბულვარის ადმინისტრაციას ესკიზის ავტორმა, გელა წულაძემ 2022 წლის 24 ოქტომბერს შესთავაზა.
ქანდაკების დამზადება-მონტაჟის საპროექტო-სახარჯთაღრიცხვო დოკუმენტაცია კი, ბულვარმა შპს „საბასგან“ 6 895 ლარად შეისყიდა [სახელშეკრულებო თანხა დღგ-ს ჩათვლით]. ბულვარს დოკუმენტაციის შესყიდვაზეც ტენდერი ჰქონდა გამოცხადებული 6 144 ლარით [დღგ-ს გარეშე].
ამ თემაზე:
https://batumelebi.netgazeti.ge/news/480927/
