ცენტრალური საარჩევნო კომისიის მიერ დამტკიცებული საოლქო საარჩევნო კომისიების მიერ არჩევნებისთვის საჭირო ფულადი სახსრების განაწილებისა და გამოყენების წესის [ხარჯთაღრიცხვის] მიხედვით:
ბათუმის N79-ე საოლქო საარჩევნო ოლქს 56,257 ლარი გამოეყო, ქედას [N80] – 23 177, ქობულეთს [N81] – 32 467, შუახევს [N82] – 29 557, ხელვაჩაურს [N83] – 33 047, ხოლო ხულოს N84 საოლქო საარჩევნო კომისიას – 33 140 ლარი.
საქართველოს პარლამენტის 2016 წლის არჩევნებისთვის თითოეული ოლქისთვის გამოყოფილ თანხაში შედის საოლქო, ასევე უბნების დაფინანსებისა და ოლქის ფუნქციონირებისთვის საჭირო ხარჯები. მთელი ქვეყნის მასშტაბით, 73 საარჩევნო ოლქისთვის 2 385 767 ლარია გამოყოფილი.
უსკოს ინფორმაციით კი, უმაღლესი საბჭოს არჩევნებისთვის 3,2 მილიონი ლარი [ხელფასების ჩათვლით] დაიხარჯება.
