„უაღრესად რთული ოპერატიული სურათის ფონზე, მძიმე ბრძოლები გრძელდება ფრონტის რამდენიმე ადგილას. უმეტეს მიმართულებაზე ინიციატივა უკრაინას აქვს“ – წერს დღეს, 8 ივნისს, დიდი ბრიტანეთის თავდაცვის სამინისტროს დაზვერვა.
ბრიტანელი ანალიტიკოსები წერენ, რომ რუსულ ძალებს, სავარაუდოდ, ჯერ კიდევ აქვთ ბრძანება, რაც შეიძლება მალე დაუბრუნდნენ შეტევას. ამავე დროს, დაზვერვის ცნობით, ჩეჩნურ შენაერთებს წარუმატებელი მცდელობა ჰქონდათ დონეცკის მახლობლად მდებარე ქალაქ მარივკას ასაღებად.
დაზვერვა ასევე წერს, რომ 2023 წლის 7 ივნისამდე, კახოვკას კაშხლის ჩამონგრევის შემდეგ, დნეპრის ქვემო ნაწილში დატბორვის დონე იმატებდა, რაც სავარაუდოდ შემცირდება 2023 წლის 8 ივნისს. „დაბომბვამ გაართულა დატბორილი ტერიტორიებიდან დევნილი მშვიდობიანი მოსახლეობის ევაკუაციის მცდელობა“ – წერს დაზვერვა.
_____________
ფოტო: EPA-EFE/OLEG PETRASYUK
