უკრაინის ომში, ქალაქ ბახმუტთან ბრძოლაში, კიდევ ერთი ქართველი მებრძოლი, არსენ ქეცბაია დაიღუპა. ამის შესახებ ინფორმაცია დაახლოებით 12 საათზე უკრაინაში მებრძოლმა ნადიმ ხმალაძემ გაავრცელა.
მედიის ინფორმაციით, არსენ ქეცბაია წარმოშობით ზუგდიდელია, თუმცა ბოლო წლებში ის უკრაინაში ცხოვრობდა და შეიარაღებული ძალების რიგებში მსახურობდა.
რუსეთის უკრაინაში შეჭრის შემდეგ, 2022 წლის 24 თებერვლიდან დღემდე, რუსეთის წინააღმდეგ ბრძოლაში 40-მდე ქართველი მებრძოლი დაიღუპა.
