დღეს, 20 თებერვალს, „ერთიანი ნაციონალური მოძრაობა“ მხარდამჭერებთან ერთად ბათუმში, აჭარის მთავრობის სახლთან, საპროტესტო აქციას მართავს.
აქციის ერთ-ერთი მოთხოვნა საქართველოს მესამე პრეზიდენტის მიხეილ სააკაშვილის საზღვარგარეთ სამკურნალოდ გაგზავნაა.
გარდა ამისა, ორგანიზატორების თქმით, ეს აქცია საქართველოს ევროპული პერსპექტივის მხარდასაჭერად იმართება.
„როგორც ვიცით, ფეიგინმა და არესტოვიჩმა დააანონსეს სოლიდარობის აქცია, რომელიც საერთაშორისო მასშტაბისაა და ბევრ ქვეყანაში გაიმართება“ – ამბობს ლევან ანთაძე,
მთავრობის სახლის შესასვლელი პოლიციას აქვს ჩაკეტილი, ასევე, შეზღუდულია ავტომანქანების მოძრაობა გამსახურდიასა და მემედ აბაშიძის ქუჩების კვეთაში.