20 თებერვლის მონაცემებით, თურქეთის სამხრეთით 6 თებერვალს მომხდარ ორ ძლიერ მიწისძვრას 41,020 ადამიანის სიცოცხლე ემსხვერპლა.
ეს არ არის საბოლოო რიცხვი, რადგან სტიქიის ზონაში მაშველები დღესაც მუშაობენ.
ოფიციალური ინფორმაციით, დღეის მდგომარეობით ადგილზე სულ 19 436 ადგილობრივი და საერთაშორისო მაშველი მუშაობს.
სტიქიის ზონიდან ევაკუირებულია 460 900-ზე მეტი ადამიანი.
6 თებერვალს 7,7 და 7,6 მაგნიტუდის მიწისძვრებმა, რომელთა ეპიცენტრიც იყო კაჰრამანმარაშის პროვინციაში, უდიდესი ნგრევა და მსხვერპლი გამოიწვია. ბოლო მონაცემებით, მიწისძვრის შედეგად თურქეთის ათ პროვინციაში 84 726 შენობა დაინგრა ან დაზიანდა.
_______________
ფოტო: EPA-EFE/ERDEM SAHIN
