დღეს, 6 თებერვალს, საქართველოს დროით 14:25 საათზე, განმეორებითი მიწისძვრა მოხდა თურქეთში.
პირველადი ინფორმაციით მიწისძვრის ბიძგები 7.8 მაგნიტუდას აღწევდა.
მიწისძვრის ეპიცენტრი კაჰრამანმარაშის პროვინციაში, ელბისტანის რაიონში იყო.
მიწისძვრა რამდენიმე წუთის განმავლობაში იგრძნობოდა ბათუმშიც. ქალაქის ზოგიერთ უბანში ხალხი სახლებიდან საცხოვრებელი კორპუსების ეზოებში გამოვიდა.
დამანგრეველი მიწისძვრა მოხდა წუხელ თურქეთისა და სირიის საზღვარზე. პირველადი მონაცემებით, დაღუპულია სულ მცირე 900 ადამიანი, დაშავებულია – ასობით, ბევრს კი ამ დრომდე ეძებენ ნანგრევებში.
_________________
ფოტოზე: ბათუმი, 6 თებერვალი. მიწისძვრის დროს ადამიანები კორპუსებიდან გამოვიდნენ.
