მოსამართლე თამარ ბეჟანიშვილმა დღეს, 24 მაისს, ჯ.მ. ოჯახურ ძალადობაში დამნაშავედ მიიჩნია. მას ბრალად ედებოდა ძალადობა ცოლის, სიდედრისა და სიმამრის მიმართ არასრულწლოვანი შვილის თანდასწრებით.
ხვალ ბათუმის საქალაქო სასამართლო ამავე ოჯახთან დაკავშირებულ სხვა საქმეს განიხილავს. ამ შემთხვევაში ჯ.მ. ედავება ცოლს, სიდედრს, სიმამრს და მათ მის მიმართ ძალადობაში სდებს ბრალს.
გამოძიების მასალების მიხედვით, ბავშვის თანდასწრებით ფიზიკურ შეხლა-შემოხლას სამჯერ ჰქონდა ადგილი. ერთ-ერთი დაპირისპირების შემდეგ კი, ჯ.მ. თავად მივიდა პოლიციაში და თქვა, რომ ცოლმა, სიდედრმა და სიმამრმა სცემეს. გამოძიებისგან დაინტერესების შემდეგ გაირკვა, რომ ჯ.მ-სთან პრეტენზია თავად ბრალდებულებს ჰქონდათ.
მოსამართლე თამარ ბეჟანიშვილმა დღეს სწორედ ჯ.მ.-ს წინააღმდეგ დაასრულა საქმის განხილვა და მას საზოგადოებისთვის სასარგებლო შრომა – 300 საათის ოდენობით შეუფარდა. “მოსამართლემ გაითვალისწინა, რომ ისინი შერიგდნენ და ერთად ცხოვრებას განაგრძობენ” – ამბობს “ბათუმელებთამ” ლაშა რომანაძე, იურიდიული დახმარების ბიუროს იურისტი.
არასწრულწლოვნის თანდასწრებით ოჯახური ძალადობა სასჯელის სახით ითვალისწინებს 200 დან 400 საათამდე საზოგადოებისთვის სასარგებლო შრომას, ან თავისუფლების აღკვეთას 1-დან 3 წლამდე.
