თურქულმა კომპანიამ Karpowership-მა ხელი მოაწერა მემორანდუმს უკრაინის ენერგეტიკულ ნაციონალურ კომპანიასთან უკრაინისთვის 500 მეგავატი სიმძლავრის მცურავი ელექტროსადგურების მიწოდებაზე – ამის შესახებ თურქული მედია წერს.
თურქული კომპანიის მცურავ ელექტროსადგურებს 1 მილიონი ოჯახისთვის შეუძლიათ ელექტროენერგიის საჭიროების დაკმაყოფილება.
ელექტროსადგურების განთავსება მოლდოვასა და რუმინეთის პორტებში იგეგმება, მოლაპარაკებები ამ თემაზე მიმდინარეობს.
მცურავი ელექტროსადგურები, სავარაუდოდ, 500 მეგავატი სიმძლავრით დაიწყებენ უკრაინის სადისტრიბუციო ქსელისთვის ელექტროენერგიის მიწოდებას.
Karpowership-ი მსოფლიოში ერთ-ერთი უმსხვილესი მცურავი ელექტროსადგურის ოპერატორია. კომპანიის ფლოტი 36 გემისგან შედგება.
რუსეთის სარაკეტო დარტყმებმა უკრაინის ენერგეტიკულ ინფრასტრუქტურაზე მილიონობით ადამიანი ელექტროენერგიისა და გათბობის გარეშე დატოვა. რუსეთის სარაკეტო თავდასხმებმა უდიდესი ზიანი მიაყენა ქვეყნის ენერგოსისტემას.
_______________
ამავე თემაზე:
თურქულმა კომპანიამ შესაძლოა უკრაინას დენი მცურავი ელექტროსადგურებით მიაწოდოს
