Batumelebi | სარფში სამუშაოებისთვის კომპანია ქვიშა-ხრეშის ლიცენზიისგან დროებით გათავისუფლდა სარფში სამუშაოებისთვის კომპანია ქვიშა-ხრეშის ლიცენზიისგან დროებით გათავისუფლდა – Batumelebi
RU | GE  

სარფში სამუშაოებისთვის კომპანია ქვიშა-ხრეშის ლიცენზიისგან დროებით გათავისუფლდა

სარფის სანაპირო ზოლში [პლაჟის გასწვრივ] მიმდინარე სამუშაოები, როგორც სახელმწიფო სამშენებლო კომპანიაში აცხადებენ, მიმდინარე წლის ივნისამდე უნდა დასრულდეს, რის შემდეგაც სამუშაოები კვარიათის მიმართულებით გაგრძელდება.

საქართველოს მთავრობის განკარგულებით, ზღვის სანაპირო ზოლის გასწვრივ აღდგენა-გამაგრების, ქვის ცვენისაგან დაცვისა და ფერდობების გამაგრების სამუშაოების განხორციელების მიზნით, შპს „სახელმწიფო სამშენებლო კომპანია“ სამი თვის ვადით გათავისუფლდა სასარგებლო წიაღისეულის მოპოვების ლიცენზიისაგან.

კომპანიას უფლება მიეცა ხელვაჩაურის მუნიციპალიტეტში, სოფელ ახალსოფლის მიმდებარე ტერიტორიაზე მოიპოვოს 28 000 კუბ/მ ქვიშა-ხრეში, რისთვისაც სახელმწიფო ბიუჯეტში 4870 ლარს გადაიხდის.

კომპანიის მიერ მოპოვებული სასარგებლო წიაღისეულის მიზნობრივად გამოყენების ზედამხედველობა კი გარემოსდაცვითი ზედამხედველობის დეპარტამენტმა უნდა უზრუნველყოს.

სარფში მიმდინარე სამუშაოების გამო, როგორც მშენებელ კომპანიაში განაცხადეს, მარტო  პლაჟის გასწვრივ, დაახლოებით 100 ათას კუბ/მ-მდე ბალასტის [ხრეშის] შეტანა განხორციელდა. გარდა ამისა, ხდება ბეტონის კუბებისა და ტეტრაპოდების ჩამოსხმაც.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com