თურქეთის პრეზიდენტი, რეჯეფ ტაიპ ერდოღანი აცხადებს, რომ შავ ზღვაში დამატებით 58 მილიარდი კუბური მეტრი გაზი აღმოაჩინეს.
ერდოღანის თქმით, გაზი ზღვის სიღრმეში, 3 023 მეტრ სიღრმეზე აღმოაჩინეს. თურქეთის ბუნებრივი აირის მარაგი შავ ზღვაში 710 მილიარდ კუბურ მეტრს შეადგენს, რომლის საბაზრო ღირებულება 1 ტრილიონი დოლარია.
„თურქეთის საბოლოო მიზანია, რაც შეიძლება მალე გამოაცხადოს ენერგეტიკული დამოუკიდებლობა უცხოური ნავთობისა და ბუნებრივი აირისგან,“ – განაცხადა თურქეთის პრეზიდენტმა 26 დეკემბერს, ანკარაში გამართული მთავრობის სხდომის დასრულების შემდეგ.
რეჯეფ ტაიპ ერდოღანის თქმით, თურქეთი მალე დაიწყებს ახალ ადგილებში გაბურღვას და განაგრძობს სამძებრო სამუშაოებს.
თურქეთს ამჟამად სეისმური კვლევის ორი გემი და სამი საბურღი ხომალდი აქვს.
2022 წელს ამ გემების დახმარებით თურქეთმა 94 საძიებო და 56 საწარმოო ჭა გაბურღა.
