სანქტ-პეტერბურგის მუნიციპალიტეტ „სმოლნინსკოეს“ საკრებულოს წევრი, ნიკიტა იუფერევი რუსეთის პროკურატურასა და შსს-ს პრეზიდენტ ვლადიმერ პუტინის წინააღმდეგ სისხლის სამართლის საქმის აღძვრას სთხოვს, რუსეთის ჯარის შესახებ „ფეიკების“ გავრცელების მუხლით.
„მედუზას“ ცნობით, იუფერევი მოთხოვნას პუტინის მიერ სიტყვა „ომის“ ხსენებით ხსნის და ხაზს უსვამს, რომ „ომის შესახებ ასეთი სიტყვებისთვის უკვე რამდენიმე ათასი ადამიანი გაასამართლეს.
კერძოდ, 21 დეკემბერს პუტინმა ჟურნალისტებთან სიტყვა „ომი“ ახსენა და განაცხადა:
„ჩვენი მიზანი ამ ომის დამთავრებაა და ამისკენ გავაგრძელებთ სწრაფვას“.
სექტემბერში იუფერევის წინააღმდეგ პროტოკოლი შეადგინეს, მას შემდეგ, რაც მისი მუნიციპალიტეტის დეპუტატებმა სახელმწიფო დუმას მოუწოდეს, პუტინს სამშობლოს ღალატის ბრალდება წაუყენონ უკრაინაში გაჩაღებული ომის გამო.
უკრაინაში შეჭრიდან მოყოლებული, რუსეთის ხელისუფლება ამტკიცებს, რომ მიმდინარეობს არა „ომი“, არამედ „სპეციალური სამხედრო ოპერაცია“. სისხლის სამართლის კოდექსს დაემატა მუხლი „ფეიკების“ გავრცელების შესახებ, რომლის ფარგლებშიც არაერთი მოქალაქე გაასამართლეს ომისთვის „ომის“ დაძახების გამო.
