21 დეკემბერს, ღამით, მსოფლიოს მრავალ ქალაქში გაიმართა სოლიდარობის აქცია სახელწოდებით „საათი უკრაინისთვის“.
უკრაინისადმი სოლიდარობის ნიშნად მსოფლიოს 60-ზე მეტ ცნობილ ადგილას განათება ერთი საათის განმავლობაში ჩააქრეს. მათ შორის: რომის კოლიზეუმში, სიდნეის ოპერის თეატრში, ევროპარლამენტის შენობაში, ბრიუსელში, შოტლანდიის პარლამენტში – ედინბურგში, პარიზის და პორტოს მერებში, გათიშეს ნიუ იორკის მთავარი ნაძვის ხეები როკფელერის ცენტრთან და ლონდონში – ტრაფალგარის მოედანზე, ასევე პრაღაში, რიგაში, სოფიაში და ა.შ.
კამპანიის მიზანია 10 მილიონი დოლარის შეგროვება პლატფორმა United24-ის მეშვეობით. ეს თანხა უკრაინაში საავადმყოფოებისთვის 1000 გენერატორის შესყიდვას მოხმარდება. კამპანიის ორგანიზატორების თქმით, ბოლო დროს უკრაინელ ექიმებს რუსული დაბომბვის შედეგად ქვეყნის ენერგეტიკული სტრუქტურის დაზიანების გამო ფანრებით უწევთ ოპერაციების ჩატარება.
ბრიუსელი, სოლიდარობის ნიშნად ჩაბნელებული ევროპის საბჭოს შენობა. ფოტო: შარლ მიშელი/twitter
ნიუ იორკი, როკფელერის ცენტრი. ნაძვის ხე უკრაინისადმი სოლიდარობის ნიშნად ჩააქრეს. ფოტო: EPA-EFE/Peter Foley
United24 პლატფორმა ამოქმედდა 2022 წლის 2 ივნისს უკრაინის პრეზიდენტის ვლადიმირ ზელენსკის ბრატისლავაში GLOBSEC უსაფრთხოების საერთაშორისო ფორუმის დროს. ეს პლატფორმა აგროვებს შემოწირულებებს სამ სფეროში: თავდაცვისა და განაღმვის, ჰუმანიტარული და სამედიცინო დახმარებისა და უკრაინის რეკონსტრუქციის მიზნით.
______________________
მთავარ ფოტოზე: ჩაბნელებული კიევი. ფოტო: EPA-EFE/OLEG PETRASYUK
