უკრაინაში, ქალაქ კრივოი როგში 17 დეკემბერს, ღამით, მაშველებმა რუსული რაკეტით დანგრეული სახლის ნანგრევებიდან 1,5 წლის ბიჭის ცხედარი გამოიტანეს.
რუსეთის სარაკეტო თავდასხმის შედეგად ამ შენობაში ოთხი ადამიანი დაიღუპა, დაშავდა 13 ადამიანი, მათ შორის 4 ბავშვია. ამის შესახებ დნეპროპეტროვსკის რეგიონული სამხედრო ადმინისტრაციის ხელმძღვანელი ვალენტინ რეზნიჩენკო წერს ტელეგრამზე.
კრივოი როგს რუსეთის საოკუპაციო ჯარებმა გუშინ, 16 დეკემბერს, ნაშუადღევს გაუხსნეს ცეცხლი. რაკეტა სამსართულიან საცხოვრებელ კორპუსს მოხვდა.
_______________
ფოტოზე: რუსული სარაკეტო დარტყმის შედეგად დანგრეული სახლი კრივოი როგში
