ბათუმი 65 ახალ ავტობუსს 2023 წლის მაისამდე ეტაპობრივად მიიღებს. შპს „ბათუმის ავტოტრანსპორტის” ინფორმაციით, ახალი ავტობუსებით ე.წ. ყვითელ ავტობუსებს ჩაანაცვლებენ.
შესაბამისად, ძველი ავტობუსებს ახლებით შემდეგ შვიდ სამარშრუტო ხაზზე ჩაანაცვლებენ:
- #2 [ადლიის ქ. – ახალშენის ცენტრი]
- #2ა [ახალშენის ცენტრი-ადლიის ქ]
- #4 [აღმაშენებლის ქ – სვიშევსკის ქ]
- #8 [აღმაშენებლის ქ – მახინჯაური]
- #9 [ქათამაძის ქ – ივანე მესხის ქ]
- #11 [აღმაშენებლის ქ. – ფერიის ქ.]
- #12ა [მაიაკოვსკის ქ. – მახოს ხიდი]
როცა 65 ახალ ავტობუსს მიიღებენ და „ძველ“ ავტობუსებს ჩაანაცვლებენ, პარალელურად დაიწყება როგორც ძველი ავტობუსების ტექნიკური ექსპერტიზა, ასევე სამარშრუტო ხაზების ოპტიმიზაციაზე მუშაობა.
რაც შეეხება ყვითელი ავტობუსების სალონებს, მათ დიდ ნაწილში დაზიანებულია სკამები, არ მუშაობს ფანჯრები, პრობლემურია განათება. ამ ავტობუსებს კიდევ სხვა არაერთი პრობლემა აქვს.
ტენდერში გამარჯვებული კომპანია შპს „ჯი-თი გრუპი“, ქალაქის მერიას თურქული წარმოების, „ისუზუს“ ბრენდის 9,5 მეტრი სიგრძის ავტობუსებს სთავაზობს. ბათუმის მერია ერთი ავტობუსში 536 600 ლარს იხდის.
ბათუმის ავტოტრანსპორტის ავტოპარკში ამ დროისთვის 154 ავტობუსია.
