ომის კვლევის ამერიკული ინსტიტუტის (ISW) ექსპერტების შეფასებით, კრემლის ომი უკრაინის წინააღმდეგ ძირს უთხრის პუტინის გეოპოლიტიკურ კამპანიებს.
ISW-ის ექსპერტები აღნიშნავენ, რომ რუსული ჯარები აგრძელებენ თავიანთი დანაყოფების ფორმირებას და კონსოლიდაციას უკრაინის კონტრშეტევებისგან თავდასაცავად აღმოსავლეთით – ხარკოვისა და ლუგანსკის რეგიონებში და შეზღუდული შეტევების მხარდაჭერას დონეცკში.
ანალიტიკოსები ასევე აღნიშნავენ, რომ „დაჯგუფება ვაგნერის“ მებრძოლები რეგულარული არმიის პირველი და მე-2 დანაყოფების მხარდაჭერის პირობებში პასუხისმგებელი არიან შეტევითი ოპერაციების წარმოებაზე დონეცკის რეგიონში, კერძოდ, ბახმუტის გარშემო და დონეცკის დასავლეთ გარეუბანში.
ინსტიტუტი ვარაუდობს, რომ რუსეთის ომი უკრაინის წინააღმდეგ, სავარაუდოდ, გააგრძელებს რუსეთის პრეზიდენტის, ვლადიმერ პუტინის გეოპოლიტიკურ კამპანიას მთელ მსოფლიოში.
თუმცა, როგორც ჩანს, პუტინს ჯერ კიდევ არ სურს გაწიროს თავისი გეოპოლიტიკური ინიციატივები მოკლევადიან პერსპექტივაში და რისკავს შეეჯახოს ფინანსურ სირთულეებს. ამ პირობებში კი ისე ვერ შეძლებს დააბალანსოს თავისი აგრესიული მიზნები უკრაინაში და თავისი ძალაუფლების პროექციის კამპანია.
ექსპერტების აზრით, პუტინი კვლავ ცდილობს რუსეთის პოზიციის აღდგენას, მაგალითად, ცენტრალურ აზიაში – წარუმატებლად სთავაზობს ყაზახეთსა და უზბეკეთს, რუსეთთან სამმხრივი ალიანსის შექმნას.
პუტინის ინიციატივა დაიხარჯოს ფინანსები რეგიონულ „რბილ ძალაზე“ უკვე აბრაზებს ზოგიერთ სამხედრო ბლოგერს, რომლებმაც კრემლი იმის გამო გააკრიტიკეს, რომ თითქოს გამოყო ექვსი მილიარდი რუბლი (დაახლოებით 95,5 მილიონი აშშ დოლარი) ტაჯიკეთში რუსულენოვანი სკოლების განვითარებისთვის, მაშინ, როცა რუსული არმია არ არის უზრუნველყოფილი ბრძოლის ველზე.
გარდა ამისა, ბლოგერები აცხადებენ, რომ კრემლი არაეფექტურად იყენებს თავის „რბილ ძალას“ ტაჯიკეთში, რაც კიდევ უფრო საეჭვოს ხდის ამგვარი ხარჯების აუცილებლობას.
ISW-ი თავის მონაცემებზე დაყრდნობით ვარაუდობს, რომ უკრაინის თავდაცვის ძალები გააგრძელებენ კონტრშეტევას ყინვის დადგომისთანავე, როცა „მიწა უფრო მყარი გახდება“ სამხედრო ტექნიკის გადასაადგილებლად.
ინსტიტუტის სხვა ძირითადი მიგნებები:
- რუსული ჯარები გააგრძელებენ საკუთარი ძალების ფორმირებასა და კონსოლიდაციას აღმოსავლეთ უკრაინაში, რათა უკეთ დაიცვან თავი უკრაინული კონტრშეტევებისგან ხარკოვისა და ლუგანსკის რეგიონებში და მხარი დაუჭირონ დონეცკის რეგიონში შეზღუდულ შეტევითი ძალისხმევას.
- უკრაინაში რუსეთის ომის ფასი, ალბათ, გააგრძელებს პრეზიდენტ პუტინის გეოპოლიტიკურ კამპანიებს მთელ მსოფლიოში.
- რუსეთის თავდაცვის სამინისტრომ ოფიციალურად უარყო ჭორები იმის შესახებ, რომ რუსეთის გენერალური შტაბის უფროსი, გენერალი ვალერი გერასიმოვი გადააყენეს ან მალე გადააყენებენ, თუმცა არ წარმოუდგენიათ ამ უარყოფის არავითარი მყარი მტკიცებულება, ამავე დროს ირწმუნებიან, რომ თავდაცვის მინისტრი სერგეი შოიგუც თანამდებობაზე რჩება.
- უკრაინის თავდაცვის მინისტრმა ოლექსი რეზნიკოვმა განაცხადა, რომ უკრაინა აპირებს კონტრშეტევითი ოპერაციების გაგრძელებას 2022-2023 წლის ზამთარში. მას შემდეგ, რაც ძლიერი ყინვები შესაძლებელს გახდის მანევრირებადი ომის წარმოებას, რითაც დასტურდება ISW-ის შეფასება.
- აშშ-ის მაღალჩინოსნებმა შესაძლოა კორექტირება გაუკეთონ თავიანთ შეფასებებს უკრაინის შესაძლებლობებსა და განზრახვებზე – ჩაატაროს კონტრშეტევითი ოპერაციები ამ ზამთარში.
- რუსეთის ჯარები აგრძელებენ შეზღუდულ სახმელეთო შეტევებს სვატოვოსა და კრემენნაიას მახლობლად, ხოლო უკრაინის ჯარებმა დაარტყეს ლუგანსკის რეგიონს სიღრმეში.
- რუსეთის ჯარები აგრძელებენ სახმელეთო შეტევებს ბახმუტისა და ავდეევკა-დონეცკის მიდამოებში და თავს იცავენ დონეცკის სამხრეთ-დასავლეთით.
- უკრაინის ჯარები აგრძელებენ რუსეთის სამხედრო ობიექტებსა და ლოგისტიკურ ობიექტებზე დარტყმებს უკრაინის სამხრეთში.
- რუსული ჯარები ამაგრებენ შავი ზღვის სანაპიროს ყირიმის ჩრდილოეთით.
- რუსეთის ფედერაციის ჯარებს შესაძლოა არ ჰქონდეთ საკმარისი ინფრასტრუქტურა ყირიმში მყოფი ჯარების მხარდასაჭერად.
