როგორც Сибирь.Реалии წერს, ბურიატიიდან დონეცკში, სტარობიშევსკის რაიონში, გაგზავნიან შამანებს და ჩაიტანენ სამ იურტას, რომლებშიც სამხედროებს შამანური რიტუალის ჩატარება და დასვენება შეეძლებათ.
ადგილობრივი ფონდის წარმომადგენლის თქმით, მსგავსი იურტები ჯერ კიდევ 16 საუკუნის წინ გამოიყენებოდა საბრძოლო ლაშქრობებში. ოლეგ ბულუტოვი ამბობს, რომ შამანები და ბარიაშინები (ქიროპრაქტიკოსები) დაჭრილი სამხედროებისთვის სამედიცინო დახმარების გაწევასაც შეძლებენ.
იურტების დადგმას სამხედრო მოქმედებების ზონასთან ახლოს აპირებენ.
„მთავარი მიზანია სამხედროების საბრძოლო განწყობა ავამაღლოთ, გვერდში დავუდგეთ მათ. ყველას დავეხმარებით, ვინც მოგვმართავს ეროვნების მიუხედავად, მათ შორის, სამოქალაქო პირებსაც,“ – აღნიშნავს ბულატოვი.
Настоящее Время-ს ცნობით, ბურიატია უკრაინაში დაღუპული სამხედროების რაოდენობით რუსეთის რეგიონებს შორის ერთ-ერთი პირველია. 11 ნოემბრის მდგომარეობით, უკრაინაში 332 ბურიატი დაიღუპა. დაღუპულების რაოდენობით მოწინავე პოზიციებზე კრასნოდარის მხარე (365 დაღუპული სამხედრო) და დაღესტანია (338 დაღუპული სამხედრო).
მთავარ ფოტოზე: ტრადიციული ბურიატული იურტა/ფოტო: ეკოტურისტული კომპლექსი Борская Краса
