ნეტგაზეთი • RU

თურქეთში დააკავეს ყალბი „პოლიციელები“, რომლებიც ფულს ჰპარავდნენ მოქალაქეებს

თურქული მედიის ცნობით, სტამბოლში დააკავეს ორი პირი, რომლებიც თავს პოლიციელებად ასაღებდნენ და მოქალაქეებს ფულს ჰპარავდნენ.

2022 წლის ნოემბერში სტამბოლის პოლიციაში ორი საჩივარი შევიდა. ერთ შემთხვევაში პოლიციას ტაჯიკეთის მოქალაქემ მიმართა, რომლის თქმითაც, იგი ქუჩაში ორმა პირმა გააჩერა, თავი პოლიციელებად გააცნეს და საბუთების შემოწმების პროცესში საფულიდან 3700 დოლარი მოიპარეს. იდენტური იყო მეორე შემთხვევაც – უკრაინის მოქალაქეს იმავე მეთოდით 10 000 დოლარი მოჰპარეს.

გამოძიების შედეგად დადგინდა, რომ ორივე ინციდენტზე პასუხისმგებელი ერთი და იგივე პირები იყვნენ. დააკავეს ირანის ორი მოქალაქე, რომლებიც სასამართლოში გადაიყვანეს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.