ბათუმში, რუსთაველის #10-ში მდებარე ექვს-სართულიან ავარიულ კორპუსს გამაგრებით სამუშაოებს ჩაუტარებენ. ბათუმის მერიის საქალაქო ინფრასტრუქტურისა და კეთილმოწყობის სამმართველოს ინფორმაციით, შენობას დანგრევა არ ემუქრება და ექსპერტიზის დასკვნის მიხედვით ის გამაგრებას ექვემდებარება.
როდის დაიწყება სამუშაოები და რა თანხა დაიხარჯება ბიუჯეტიდან ამ შენობის გამაგრებისთვის? – ამ საკითხზე დაზუსტებული ინფორმაცია ჯერჯერობით არ გვაქვს.
სამმართველოს განმარტებით, სამუშაოების დასაწყებად შენობის პირველ სართულზე განთავსებული კომერციული ფართობების მესაკუთრეებთან მოლაპარაკებებს აწარმოებენ.
რუსთაველის #10-ში მდებარე ხუთსართულიან შენობის ფასადის რეაბილიტაციისთვის 2019 წელს ნახევარ-მილიონ ლარზე მეტი დაიხარჯა, შემდეგ კი მერიისა და კულტურული მემკვიდრეობის სააგენტოს თანხმობით შენობას მეექვსე სართული დააშენეს.
შენობა ბათუმის მერიის ავარიული სახლების ნუსხაშია.
