ნეტგაზეთი • RU

სად და როდის განიხილავენ ბათუმის ბიუჯეტის 2023 წლის პროექტს საჯაროდ

თუ ბათუმის მომავალი წლის ბიუჯეტის პარამეტრები, დაგეგმილი პროგრამები და პროექტები გაინტერესებთ, შეგიძლიათ დაესწროთ დაგეგმილ საჯარო განხილვას, გამოთქვათ თქვენი მოსაზრებები და დასვათ კითხვები. შეგიძლიათ მოითხოვოთ ქალაქის მთავარი ფინანსური დოკუმენტის კორექტირება, ვიდრე ის დამტკიცებული არ არის. მერიამ მომავალი წლის ბიუჯეტის საჯარო  განხილვა რამდენიმე მისამართზე დააანონსა.

ბოლოს და ბოლოს თუ გინდათ გაიგოთ, იგეგმება თუ არა მომავალ წელს თქვენ სახლთან მისასვლელი გზის რეაბილიტაცია, ან დაწყებულის დასრულების თარიღი გაინტერესებთ, ბიუჯეტის საჯარო განხილვაზე უნდა მიხვიდეთ.

ბიუჯეტის პროექტს შეგიძლიათ გაეცნოთ აქ  [დააწკაპუნეთ]

მერიაში განმარტეს, რომ გამოქვეყნებული განრიგის ქვეშ მითითებული მისამართები არის კონკრეტული ადმინისტრაციული ერთეულის მომიჯნავედ და მითითებული უბნის მოსახლეობასთან გეოგრაფიულად ახლოს: „ამიტომაც გავაერთიანეთ ეს მისამართები, შეხვედრები შენობებშია იმის გათვალისწინებით, რომ შესაძლებელია ცუდი ამინდი იყოს.“

მერიის ინფორმაციით, ბიუჯეტის განხილვა დაგეგმილია შემდეგი განრიგით:

📌 28 ნოემბერი
11:00 საათი – აეროპორტის გზატკეცილი #259:
▪️ გონიო-კვარიათის ადმინისტრაციული ერთეული
▪️ აეროპორტის ადმინისტრაციული ერთეული
14:00 საათი – დიდაჭარის ქ. #23:
▪️ კახაბრის ადმინისტრაციული ერთეული
▪️ სამრეწველო ადმინისტრაციული ერთეული
📌 29 ნოემბერი
11:00 საათი – თამარ მეფის გამზირი #60:
▪️ მწვანე კონცხის ადმინისტრაციული ერთეული
15:00 საათი –  ბონის კულტურის სახლი:
▪️ ბონი-გოროდოკის ადმინისტრაციული ერთეული
▪️ თამარის ადმინისტრაციული ერთეული
📌 30 ნოემბერი
 11:00 საათი –  ტაბიძის ქ. #5:
▪️ ხიმშიაშვილის ადმინისტრაციული ერთეული
▪️ აღმაშენებლის ადმინისტრაციული ერთეული
📌 1 დეკემბერი
11:00 საათი –  გორგილაძის ქ. #19:
▪️ ძველი ბათუმის ადმინისტრაციული ერთეული
▪️ რუსთაველის ადმინისტრაციული ერთეული
📌 2 დეკემბერი
11:00 საათი – პუშკინის ქ. #132:
▪️ ბაგრატიონი 1-ის ადმინისტრაციული ერთეული
▪️ ბაგრატიონი 2-ის ადმინისტრაციული ერთეული
▪️ ჯავახიშვილის ადმინისტრაციული ერთეული
მერიის ინფორმაციით, დაინტერესებულ მოქალაქეს საჯარო განხილვასთან დაკავშირებით დამატებით დეტალებზე ინფორმაციის მისაღებად შეუძლია დარეკოს ნომერზე: 595313200.
მერიაში ასევე განმარტეს, რომ საფინანსო-საბიუჯეტო სამსახურის გარდა, საჯარო განხილვებს მერიის სამსახურის უფროსები დაესწრებიან.
ნეტგაზეთის მასალების სხვა გამოცემებში გადაბეჭდვის წესი
ავტორი