ნეტგაზეთი • RU

თურქეთში იხსნება უდიდესი კაშხალი, რომელიც 100-სართულიანი სახლის სიმაღლისაა

დღეს, 22 ნოემბერს, თურქეთში ყველაზე დიდი და მსოფლიოში სიდიდით მეხუთე წყალსაცავი „იუსუფელი“ იხსნება.

თურქული მედიის ცნობით, მდინარე ჭოროხზე ჰიდროელექტროსადგურისა და წყალსაცავის გახსნის ცერემონიაში თურქეთის პრეზიდენტი, რეჯეფ თაიფ ერდოღანი მიიღებს მონაწილეობას.

წყალსაცავის კაშხლის სიმაღლე 275 მეტრია, რაც ასსართულიანი შენობის სიმაღლეს შეესაბამება. წყლის საერთო მოცულობა 2 მილიარდ 130 მილიონ კუბურ მეტრ წყალს შეადგენს.

წყალსაცავის მშენებლობა ქალაქ ართვინიდან 70 კილომეტრის დაშორებით 2012 წლიდან მიმდინარეობს.

მედიის ცნობით, ახალი ჰესი გამოიმუშავებს 1,9 მილიარდ კვტ/სთ ენერგიას, რაც თურქეთს წლიურ შემოსავალს 5 მილიარდ ლირას მოუტანს.

სპეციალისტებმა წყალსაცავის მშენებლობის ზონიდან 5844 ხე გადარგეს.

იუსუფელის წყალსაცავზე მიმდინარე სამუშაოები 2012 წელს. ფოტო: „ბათუმელები“

იუსუფელის წყალსაცავზე მიმდინარე სამუშაოები 2012 წელს. ფოტო: „ბათუმელები“

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com