უკრაინაში, რუსეთის ქვეყანაზე თავდასხმიდან, 24 თებერვლიდან დღემდე, ომის შედეგად 437 ბავშვი დაიღუპა.
უკრაინის პროკურატურის ცნობით, 2022 წლის 21 ნოემბრის მონაცემებით, ომის დაწყებიდან დღემდე რუსეთის ფედერაციის სრულმასშტაბიანი შეიარაღებული აგრესიის შედეგად უკრაინაში 1276-ზე მეტი ბავშვი დაშავდა სხვადასხვა სიმძიმით.
ეს რიცხვები საბოლოო არ არის, ინფორმაცია მსხვერპლის და დაშავებულების შესახებ ჯერ ისევ ზუსტდება, რადგან უკრაინის ქალაქებსა და სოფლებში აქტიური საომარი მოქმედებები მიმდინარეობს. ასევე, ამ მონაცემებში არ შედის ქალაქ მარიუპოლში დაღუპული და დაშავებული ბავშვების სტატისტიკა, რადგან ქალაქი ოკუპირებულია რუსეთის შეიარაღებული ძალების მიერ.
რუსეთის ფედერაციის შეიარაღებული ძალების მიერ უკრაინაში დაბომბვის შედეგად დაზიანდა 2719 სასწავლო დაწესებულება, მათგან 332 მთლიანად განადგურდა.
რუსეთ-უკრაინის ომი 2022 წლის 24 თებერვალს, კიევის დროით დილის 5 საათზე დაიწყო. რუსეთის შეიარაღებული ძალები სახმელეთო, საზღვაო და საჰაერო გზით დაესხნენ თავს უკრაინას.
________________
ფოტოზე: 2022 წლის 9 მაისი, ბავშვები ქალაქ მარიუპოლის განადგურებულ ცენტრში. ფოტო: EPA-EFE/ALESSANDRO GUERRA
