“ორი მხარე” – გამოფენა ბათუმის თანამედროვე ხელოვნების სივრცეში [ანონსი]

14 მაისს, შაბათს, 18 საათზე, ბათუმის თანამედროვე ხელოვნების სივრცეში გამოფენა – „ორი მხარე“ გაიხსნება.

„ორი მხარე“ ორი ხელოვანის – თამარ ბოჭორიშვილისა და რაიმონდა სერეიკეიტის ერთობლივი პროექტია. „ორივე ავტორი ცდილობს საკუთარი პოზიციის დაფიქსირებას, თუმცა ისინი მიზნად არ ისახავენ კონკრეტული განცხადების მტკიცებას, მხოლოდ კითხვებს სვამენ და რეაგირებენ. მათი ნამუშევრები აერთიანებს რამდენიმე მედიას, რის საშუალებითაც ქმნიან სხვადასხვა ტიპის ობიექტსა და ინსტალაციას. სივრცის ორიგინალური ათვისების მეთოდით მაყურებელს საშუალებას აძლევენ, საკუთარი სამყაროს პრიზმიდან დაინახონ გარე სამყარო და მოვლენები,“ – აღნიშნულია ღონისძიების პრესრელიზში.

გამოფენა 4 ივნისამდე გაგრძელდება. დათვალიერება უფასოა.

მისამართი: ზვიად გამსახურდიას ქუჩა 1/5