დღეს, 24 ოქტომბერს, აჭარის მთელ ტერიტორიაზე გაავდრდება.
დღეს, ღამით და ხვალ, 25 ოქტომბერს, დილით, წვიმაა მოსალოდნელი, მაღალ მთაში კი – თოვა.
იქროლებს დასავლეთის მიმართულების ქარი 10-15 მეტრი წამში.
დაიწევს ჰაერის ტემპერატურაც. სანაპირო და მთიან რაიონებში დღისით 13-18 გრადუსი სითბოა მოსალოდნელი, ღამით კი – 5-10 გრადუსი.
მაღალ მთაში ჰაერის ტემპერატურა დღისით 5-10 გრადუსი იქნება, ღამით – 0-5 გრადუსი.
სინოპტიკოსების ცნობით, ბათუმში ოთხშაბათს, 26 ოქტომბერს გამოიდარებს.