თურქული მედიის ცნობით, სტამბოლში პოლიციამ 1,5 ტონაზე მეტი მარიხუანა ამოიღო, რომელიც 156 რულონ ქსოვილში იყო დამალული.
მედიის ცნობით, პოლიცია აღნიშნულ საქმეზე თითქმის 2 თვე მუშაობდა. ოფიციალური ინფორმაციით, სამართალდამცავებისთვის ცნობილი გახდა, რომ დიდი რაოდენობით ნარკოტიკი მექსიკიდან უნდა შესულიყო სტამბოლის პორტში, გემზე მოთავსებული კონტეინერით.
სპეცოპერაცია გემზე ჩატარდა, რომელიც სტამბოლის პორტში ჩადგა. პოლიციამ სამი ეჭვმიტანილი დააკავა.