რუსეთის პრეზიდენტმა ვლადიმერ პუტინმა ჩეჩნეთის რესპუბლიკის მეთაურს, რამზან კადიროვს გენერალ-პოლკოვნიკის წოდება მიანიჭა. ამის შესახებ თავად კადიროვი წერს ტელეგრამზე.
კადიროვის თქმით, პუტინმა პირადად აცნობა მას ამის შესახებ. დღეს კადიროვს დაბადების დღე აქვს, იგი 46 წლის გახდა.
„ჩვენი მთავარსარდლის უზომოდ მადლიერი ვარ ჩემი ღვაწლის მაღალი შეფასებისთვის! ეს ჩემთვის დიდი პატივია. ვიძლევი სიტყვას, რომ გავამართლებ ავანსად გამოხატულ ნდობას“, – წერს კადიროვი.
იგი ასევე წერს, რომ ბრძანება მისთვის გენერალ-პოლკოვნიკის წოდების მინიჭების შესახებ 709-ე ნომრითაა გამოცემული. კრემლის მიერ კონტროლირებული რუსული მედია ჯერჯერობით ამის შესახებ ინფორმაციას არ ავრცელებს.
