მთავარი,სიახლეები

მთავრობა სამივლინებო თანხებს ზრდის

26.09.2022 • 836
მთავრობა სამივლინებო თანხებს ზრდის

საქართველოს მთავრობის გადაწყვეტილებით, იზრდება როგორც ქვეყნის შიგნით, ასევე ქვეყნის ფარგლებს გარეთ მივლინებებისთვის გამოყოფილი თანხების ოდენობა.

ფინანსთა მინისტრის, ლაშა ხუციშვილის თქმით, ცვლილება შეეხება როგორც საჯარო, ასევე კერძო სექტორს – ამის შესახებ მინისტრმა დღეს გამართულ ბრიფინგზე ისაუბრა.

„ქვეყნის შიგნით მივლინებებისთვის განსაზღვრული იყო 15 ლარი, ეს ნორმა გაორმაგდება და გახდება 30 ლარი. ქვეყნის ფარგლებს გარეთ, პრაქტიკულად ყველა ქვეყანა იქნება დაკორექტირებული და გათვალისწინებული იქნება ქვეყნებს შორის არსებული განსხვავებებიც. საშუალოდ 37-პროცენტიანი ზრდა იქნება, იმის მიხედვით, რა ოდენობით მოხდა ფასების ცვლილება ამა თუ იმ ქვეყანაში.

ეს იქნება 45, 60 75 დოლარის ოდენობით. იმის მიხედვით, თუ რომელ ქვეყანაში რა ფასებია ცხოვრების დონის მიხედვით“, – ამბობს ფინანსთა მინისტრი.

მისი თქმით, კერძო სექტორთან დაკავშირებით ფინანსთა სამინისტრო დაარეგულირებს საგადასახადო შეღავათის ნორმას, თუ რის ფარგლებში არ დაიბეგრება საშემოსავლო გადასახადი~.

გადაბეჭდვის წესი