რუსული ტელეგრამ არხების ცნობით, ლუგანსკში „რესპუბლიკის“ დეპუტატი ოლეგ პოპოვი მოკლეს. გავრცელებულ ინფორმაციაში სიკვდილის მიზეზები არ კონკრეტდება, მხოლოდ მითითებულია, რომ მანამდე პოპოვზე თავდასხმა განხორციელდა.
ცნობა ტელეგრამში უკრაინელმა ჟურნალისტებმა აღმოაჩინეს.
როგორც უკრაინის 24-ე არხი წერს, სოციალურ ქსელებში კოლაბორაციონისტი პოპოვის დაღუპვის ერთ-ერთ ვერსიად ეფეესბეს მიერ მისი ლიკვიდაცია განიხილება.
გასულ კვირას, ლუგანსკში, საკუთარ კაბინეტში ააფეთქეს თვითგამოცხადებული რესპუბლიკის პროკურორი, სერგეი გორენკო, რომელიც რუსული მედიის ცნობით, მიყენებული ჭრილობებისგან საავადმყოფოში გარდაიცვალა. აფეთქებისას დაიღუპა მისი მოადგილეც.
უკრაინის პრეზიდენტის მრჩევლის მიხაილო პოდოლიაკის თქმით, ის არ გამორიცხავს, რომ პროკურორი და მისი მოადგილე კრიმინალური გარჩევების მსხვერპლი გახდნენ, რადგან გაქცევამდე მოპარული ქონება ვერ გაიყვეს. კიდევ ერთი ვერსიით, რუსეთმა „წმენდა“ დაიწყო და სამხედრო დანაშაულების მოწმეებს თავიდან იშორებს.
მთავარ ფოტოზე: ოლეგ პოპოვი, ფოტოს ცენტრში, მიკროფონთან/ფოტო: დენის კაზანსკის ტელეგრამიდან
