როსკომნადზორმა, რომელიც რუსეთში კომუნიკაციებსა და კავშირგაბმულობას აკონტროლებს, მოქალაქეების მიმართვიანობის მონაცემები დაითვალა და გამოაქვეყნა. 2022 წლის პირველი ნახევარში, მთლიანობაში შესულია 144 835 განაცხადი – მეოთხედით მეტი, ვიდრე გასული წლის ანალოგიურ პერიოდში.
ამის შესახებ Censor.NET იუწყება BBC-ზე დაყრდნობით.
მიმართვიანობის პიკი იყო 2022 წლის მარტში – საჩივრების რაოდენობა გასულ მარტთან შედარებით თითქმის ოთხჯერ გაიზარდა. „როსკომნადზორს მოქალაქეები ყველაზე ხშირად მიმართავდნენ თხოვნით, რომ წაიშალოს პროუკრაინული პროპაგანდისტული რესურსების ბმულები“, – censor.net-ის ინფორმაციით, წერია სახელმწიფო უწყების ვებგვერდზე.
როსკომნადზორი ასევე განმარტავს, რომ 2022 წლის პირველ ნახევარში მოქალაქეების კითხვები ძირითადად ეხებოდა „აკრძალული ინფორმაციის ინტერნეტში განთავსებას, კერძოდ, ფეიკებს უკრაინაში მიმდინარე სპეციალურ სამხედრო ოპერაციაზე“.
___
მთავარი ფოტო: დასმენის წერილი, რომელიც censor.net-მა გამოაქვეყნა
