უკრაინის თავდაცვის სამინისტრო გამოეხმაურა რუსეთის პრეზიდენტის, ვლადიმერ პუტინის გადაწყვეტილებას, 2 მილიონამდე გაზარდოს ჯარისკაცების რაოდენობა რუსეთის არმიაში.
„რუსეთი გეგმავს შეიარაღებული ძალების პერსონალის 2 მილიონამდე გაზრდას. თავისი პრეზიდენტის განკარგულების შესასრულებლად რუსეთის თავდაცვის სამინისტრომ 2 მილიონი გვამის ჩანთა უნდა შეიძინოს,“ – წერს უკრაინის თავდაცვის სამინისტრო ტვიტერზე.
25 აგვისტოს რუსეთის პრეზიდენტმა ვლადიმერ პუტინმა ხელი მოაწერა ბრძანებას, რომლის მიხედვითაც რუსეთის შეიარაღებული ძალების შემადგენლობა 2.04 მილიონ ადამიანამდე გაიზრდება.
გადაწყვეტილება მიზნად ისახავს რუსეთის შეიარაღებული ძალების გაძლიერებას და შემადგენლობის 2 039 758-მდე გაზრდას, რომელთა შორის 1 150 628 სამხედრო მოსამსახურე იქნება. შედეგად, რუსეთის შეიარაღებულ ძალებში პერსონალის რაოდენობა 137 000-ით გაიზრდება.
