თურქეთში, მარმარილოს ზღვაში, გარემოსდამცველმა აქტივისტებმა 9 თვეში 53 ტონა ნაგავი შეაგროვეს – წერს თურქული გამოცემა „დეილი საბაჰი“.
გამოცემის ცნობით, მარმარილოს ზღვაში აღმოჩენილი ნარჩენების დიდი ნაწილი პლასტმასაა.
აქტივისტები მუშაობდნენ კამპანიის – „ლურჯი სუნთქვა“ ფარგლებში, რომელიც მიზნად ისახავს ცნობიერების ამაღლებას ზღვის დაბინძურებისა და მისი გაწმენდის გზების შესახებ.
მარმარილოს ზღვაში 9 თვის განმავლობაში შეგროვებული ნარჩენები დაახლოებით 46 000 ადამიანის მიერ ყოველდღიურად წარმოებულ ნარჩენებს უთანაბრდება.
53 ტონა ნარჩენებიდან 17 ტონა პლასტმასის პარკები, ბოთლები და პლასტმასის სხვა ნარჩენები იყო; ნარჩენებში 4,8 ტონა ქსოვილი იყო, 4,4 ტონა კი – მეტალი.
______________
ფოტო: EPA-EFE/ERDEM SAHIN
