სიახლეები

საოკუპაციო ხაზთან აღმოჩენილი ხელყუმბარები ადგილზე გავანადგურეთ – შსს

21.08.2022 • 720
საოკუპაციო ხაზთან აღმოჩენილი ხელყუმბარები ადგილზე გავანადგურეთ – შსს

შინაგან საქმეთა სამინისტროს განცხადებით, მიმდინარე წლის 20 აგვისტოს, ონის მუნიციპალიტეტის სოფელ ირში, ე.წ. „საოკუპაციო ხაზთან“, სადაც განთავსებულია გამაფრთხილებელი ბანერები, ლითონის ორ ცალ ბოძზე, ოპერატიული ინფორმაციის საფუძველზე აღმოჩენილი იქნა სავარაუდო საბრძოლო მასალა „F-1“ ტიპის მსგავსი ასაფეთქებელი მოწყობილობა – ხელყუმბარა.

„პოლიციის მიერ დაუყოვნებლივ დაიწყო საგამოძიებო და საპროცესო მოქმედებები. გამოძიების პროცესში, გამნაღმველების მონაწილეობით მოხდა, “F-1” ტიპის მსგავსი, ე.წ. “სტრაიგ ბოლის” სასწავლო-ხმოვანი, პლასტიკური კორპუსის მქონე ხელყუმბარების ამოღება, რომლებიც უსაფრთხოების მიზნით, გამნაღმველების მიერ ადგილზევე იქნა განადგურებული.“ – აცხადებს შსს

საბრძოლო მასალის აღმოჩენის ფაქტზე გამოძიება სსკ-ის 236-ე მუხლით გრძელდება.

 

გადაბეჭდვის წესი