დიდი ბრიტანეთის დაზვერვის უახლესი რელიზის თანახმად, გასულ კვირა ფრონტის ხაზზე მხოლოდ მინიმალური ცვლილებებით გამოირჩეოდა. დონბაში, აგვისტოს დასაწყისში მიღწეული მცირე წინსვლის შემდეგ, რუსეთის ძალები ბახმუტის გარეუბნებს მიადგნენ, თუმცა დასახლებულ პუნტში არ შესულან.
უწყება აღნიშნავს, რომ რუსეთს ზაპოროჟიესა და ხარკოვის მიმართულებით წინსვლისთვის რუსეთს დიდი ძალისხმევა არ გაუწევია.
„სამხრეთ-დასავლეთით, ხერსონის ფრონტზე, არც რუსულ და არც უკრაინულ მხარეს არ მიუღწევია რაიმე ტერიტორიული წარმატებისთვის, თუმცა გახშირებული აფეთქებები რუსეთის არმიის ზურგში, სავარაუდოდ, აძლიერებს ზეწოლას რუსული ძალების ლოგისტიკაზე და სამხრეთში არსებულ ავიაბაზებზე,“ – წერს დიდი ბრიტანეთის დაზვერვა და ვარაუდობს, რომ ვითარება მნიშნელოვნად არც მომავალ კვირაში შეიცვლება.
„რუსეთის ძალები ახლა მზად არიან მხოლოდ შეზღუდული ლოკალური შეტევებისთვის, რომლებშიც ასეულის მასშტაბის დანაყოფები არიან ჩართული,“ – მიუთითებს უწყება.
დაზვერვის შეფასებით, უახლოეს თვეებში ბრძოლაში ინიციატივა იმ მხარეს ექნება, რომელიც შეტევითი ოპერაციებისთვის უფრო ძლიერი და მოტივირებული ძალების მობილიზებას შეძლებს.
გაერთიანებული სამეფოს სადაზვერვო ცნობარის ყურადღების ცენტრში გუშინ ხარკოვი იყო. უწყება წერდა, რომ 17 აგვისტოს, ხარკოვზე რუსების სარაკეტო დარტყმების შედეგად, სულ მცირე 12 მშვიდობიანი მოქალაქე დაიღუპა
